Hochzeit Sveni und Marc

liebi mänsche

D hochzit vo sveni und marc rückt immer nöchter und mit dem au d frog, was mer ihne tolls chönnti schänke. Ich han folgende vorschlag für es gruppegschänk:
sie werded ihri "flitterwuche" im hotel "palafitte" in neuchatel verbringe (04.07. - 07.07.). Mini idee wärs, das mir ihne de ufenthalt versüessed mit es paar add ons, bispilswis:

• Champagner ufem zimmer

• Blueme ufem bett wenn sie chömed

• Ei oder zwei schöni massage

• Z morge inklusive

Ich han mitem hotel telefoniert und abgmacht, das ich mich wider bi ihne mälde wenn euses budget stoht.

D idee isch, das ich en happy pot irichte. Det chönnd alli anonym geld ine geh und eifach so vill wie sie chönnd/wännd geh. S budgetziel isch so agsetzt, das alli obe gnannte add ons möglich wäred (sogar zwei massage pro person).

Wenn ihr scho sälber es gschänk organisiert hend, denn döfed ihr gern us de gruppe usträte.

Wichtig: sveni und marc werded nüt devo erfahre. Mir schribed ihne es schöns kärtli und denn erfahreds wenns im hotel achömed, was ihres gschänk isch.

Ebefalls wichtig: je schneller mir s geld zeme hend desto schneller chani bueche und desto grösser ischd wahrschinlichkeit, dass bispilswis d masseur/inne zu dem zitpunkt verfüegbar sind.